Mobile vaccine clinic ng PRC dineploy sa Metro Manila
Para magbakuna ng mga bata
MANILA, Philippines — Isang mobile vaccine clinic ang idineploy sa Metro Manila ng Philippine Red Cross (PRC) na pinamumunuan ni Senator Richard Gordon upang magbakuna ng mga bata laban sa measles at rubella.
Ayon kay Mark Abrigo, head ng health services ng PRC, nasa 183 na bata sa Metro Manila ang target nilang mabakunahan laban sa mga naturang sakit.
Ang mobile vaccine clinic ay mayroong cold storage facility at dalawang inoculation station.
Nais aniya nilang praktisin pa ito dahil plano rin nilang gamitin sa gagawing pagtulong sa COVID-19 vaccination drive ng pamahalaan sa mga susunod na buwan.
Sinabi ni Abrigo na sa ngayon ay nakapagbakuna na sila ng may 175,000 paslit laban sa polio, measles at rubella sa Metro Manila, Central Luzon, Calabarzon, at buong Visayas.
Target din aniya ng humanitarian organization na makakuha ng may 6,000 karagdagang volunteers para sa kanilang COVID-19 vaccination effort.
- Latest