400 PWDs sa Quezon City, binigyang ayuda ni Councilor Belmonte
MANILA, Philippines — Nasa 400 person with disability (PWDs) sa Quezon City na matinding naapektuhan ng nagdaang bagyo noong Nobyembre at Disyembre ang nabiyayaan ng grocery items ni QC Councilor Mikey Belmonte sa kanyang kaarawan sa isang simpleng seremonya sa Geronimo Covered court sa Brgy. Bagong Silangan kahapon.
Bukod dito, dalawa sa mga PWDs na pinaka- mahirap sa lugar na sina Joseph Carredo at Leonela Magno ng nabanggit na barangay ang binigyan ng mobile food cart ni Councilor Belmonte para pagkunan ng pagkakakitaan ng kanilang pamilya. Ang mobile food cart ay mayroon nang kasamang mga gamit panluto at picka foods tulad ng kikiam, hotdog at squid balls bilang panimulang hanapbuhay ng mga ito.
“Naitawid natin ‘yung 2020, gusto ko naman sana na sama -sama tayong mag- celebrate sa kabila ng lahat. Isa ang PWDs sector sa mga priority ko dahil malapit kayo sa aking puso”, pahayag pa ni Councilor Belmonte.
Naging panata na ni Councilor Belmonte na magbigay ayuda sa vulnerable sector sa lungsod tuwing sasapit ang kanyang kaarawan.
- Latest
