E-Services sa tax payment gamitin ngayong pandemic - Mayor Joy Belmonte
MANILA, Philippines — Hinikayat ni Quezon City Mayor Joy Belmonte ang taxpayers sa lungsod na gamitin ang online platform QC E -Services sa pagbabayad ng kanilang buwis para hindi na lumabas ng tahanan ngayong panahon ng pandemic.
Sinabi ni Belmonte na kahit nasa bahay lamang ay maaari nang magbayad ng buwis sa pamamagitan ng online platform para iwas-hawa na rin sa COVID-19.
“We urge our citizens to use our QC E-services to transact with the city. This way, they are saved from the hassle of physically going to the city hall and from the possible risk of being exposed to the coronavirus disease,” pahayag ni Belmonte.
Ang portal ay nailunsad ng QC noong Oktubre para mapadali ang pagbabayad ng buwis at pag-aapplay at pag-renew ng business permits at iba pang serbisyo para mapagaan ang transaksyon sa lungsod.
Pinayuhan ni City Treasurer Edgar Villanueva ang mga indibiduwal na gustong magbayad ng kanilang real property tax ay maaaring bisitahin ang QC E-services page (https://qceservices.quezoncity.gov.ph/) at gumawa ng user account para maproseso ang transaksyon.
Ang mga nais namang magbayad ng business tax ay maaaring mag download at mag fill out ng Tax Declaration Form mula sa official city website: (https://quezoncity.gov.ph/wp-content/uploads/2020/12/Tax-Declaration-Form-2021.pdf).
Kapag na fill out na ang form ay isubmit sa City Treasurer’s Office (CTO) via email sa [email protected].
- Latest