Bebot kalaboso sa pagmumura, pananampal sa pulis
MANILA, Philippines — Sa kulungan bumagsak ang isang babae makaraang pagmumurahin at tangkang sampalin ang isang pulis na sumita sa kanya sa hindi pagsusuot ng face mask, kamakalawa ng gabi sa Taguig City.
Bumagsak sa Taguig City Police Detention Center ang 29-anyos na si Janine Marie Manzano, parking attendant, nakatira sa Road 20, Magsaysay Ave, Maguindanao St., New Lower Bicutan, ng naturang lungsod.
Sa ulat ng pulisya, dakong alas-11:30 ng gabi nang sitahin si Manzano nina PCpl Honey Vino Apaga at Pat. Credo Peralta, kapwa ng Hagonoy Police Sub-Station 9, dahil sa walang suot na face mask sa may Maguindanao Street, Brgy. New Lower Bicutan.
Nang imbitahan siya sa presino para i-rekord, nagwala na umano ang suspek at pinagmumura ang mga pulis. Tinangka pang sampalin ng babae ang dalawang pulis na nagawang makaiwas sa atake ng suspek hanggang sa tuluyan siyang maawat at madala sa istasyon.
- Latest
