SSS pensioners, matatanggap na ang December at 13th month pensions
MANILA, Philippines — Tatanggap na ng kanilang December at 13th month pension ang lahat ng pensioners ng Social Security System (SSS) simula sa December 1 ngayong taon.
Ayon kay SSS President at CEO Aurora Ignacio, ang pension fund ay inaayos na para mailipat sa Development Bank of the Philippines (DBP) para mai-withdraw na ng mga pensioner sa December 1.
Anya makaraang matanggap ng mga pensioners ang kanilang 13th month at December pension sa December 1 ay matatanggap na rin ng second batch ng mga pensioners ang kanilang December pension sa December 16.
Noong Oktubre ay sinimulan na ng SSS ang pagpapalabas ng regular pensions sa pamamagitan ng disbursement facility ng DBP gamit ang Philippine Electronic Fund Transfer System and Operations Network (PESONet) at ang DBP-accredited remittance transfer companies (RTCs)/cash payout outlets (CPOs).
Pinaaga ng SSS ang pagkakaloob ng December at 13th month pension para maagang magamit ng mga pensioners ang pondo para makatulong sa mga pangangailangan ngayong holiday season.
- Latest
