Welder, todas sa metal frame
MANILA, Philippines — Isang welder ang nasawi nang tamaan sa ulo ng metal frame habang nagtatrabaho sa Quezon City, kamakalawa.
Naisugod pa sa Bernardino General Hospital ang biktimang si Rey Obenza Hipolito, 53, ng Ilang-Ilang St., Area 2, Barangay Capri, Novaliches, Quezon City, ngunit idineklara na ring patay ng dahil sa matinding pinsala sa ulo.
Batay sa ulat ng Criminal Investigation and Detection Unit ng Quezon City Police District (CIDU-QCPD), dakong alas-5:00 ng madaling araw, nang maganap ang aksidente sa JCD Metal Fabrickcore na matatagpuan sa P. Dela Cruz St. Brgy. San Bartolome, Novaliches, Quezon City.
Ayon kay P/MSg Roldan Cornejo, abala umano sa trabaho ang testigong si Joel Profugo nang makarinig na malakas na kalabog mula sa likuran.
Nang kaniyang tingnan ay nakita niyang tinamaan ng metal A-frame ang kasamahang welder.
Kaagad umano nila itong isinugod sa pagamutan ngunit hindi na rin naisalba pa ng mga doktor.
- Latest
