Wala pang multa sa mga sasakyang walang RFID tags hanggang kapaskuhan

MANILA, Philippines — Nilinaw ng Department of Transportation (DOTr) na hindi pa nila pagmumultahin ang mga motoristang walang radio frequency identification (RFID) tags hanggang sa kapaskuhan.

Ito ay sa kabila na may batas na nagpapatupad sa RFID law at may karampatang parusa ang ipapataw sa mga wala pang RFID tags sa darating na December 1, 2020 pero hindi muna pagmumultahin ang mga car owers na wala pa nito ang kanilang sasakyan hanggang sa Kapaskuhan . .

Ayon sa DOTr, pinag-aaralan pa ng ahensiya kung kelan nila ipaiiral ang paglalapat ng parusa sa mga wala pang RFID tags na mga sasakyan.

Ang RFID ay tumutukoy sa cashless payment scheme sa mga expressway partikular sa South Luzon Expressway (SLEX) at Northern Luzon Expressway (NLEX) na ginawang aksyon para maiwasan ang hawaan sa COVID-19.