Massage parlors puwede na sa GCQ areas
MANILA, Philippines — Puwede nang magbukas ang mga massage parlor sa mga lugar na naka-general community quarantine.
Sa Memorandum Cicular No. 20-27 ng Department of Trade and Industry, pinapayagan nang mabukas ang mga massage parlor, gayunman ito ay dapat na 30 percent lamang ng total capacity ang papapasukin o pagseserbisyuhan sa loob.
Habang sa mga lugar na kung saan umiiral naman ang modified GCQ ay niluwagan na rin sa 50 porsiyento ang pinapayagang capacity.
Gayunman, kailangan pa rin umanong mahigpit na sumunod sa minimum health standards ang mga massage parlor.
Bukod sa kailangang nakasuot ng gloves, bawal pa rin umanong magpamasahe sa ulo para mapigilan ang pagkalat ng virus.
Bukod dito, niluwagan din ang kapasidad sa mga gym, salon, internet at computer shop at non-essential services.
- Latest