Mahigit 2,000 UV Express, balik-pasada na!
MANILA, Philippines — May 2,428 mga UV Express sa may 20 ruta sa Metro Manila ang pinayagan magbalik-pasada simula kahapon, ayon sa Land Transporation Franchising and Regulatory Board (LTFRB).
Bunga nito, umaabot na ngayon sa kabuuan ng 6,755 UV Express ang nakakapasada na sa 118 inaprubahang mga ruta ng LTFRB para sa naturang mga sasakyan sa Metro Manila .
Ang mga bagong ruta ay ang Karuhatan puntang North Road Rail Station Terminal, Karuhatan puntang SM North EDSA/Trinoma, Robinson’s Novaliches puntang Vito Cruz at Buendia, Rosario puntang McKinley Hills, San Bartolome puntang MRT North Ave, San Roque puntang Commonwealth Market, SM Fairview puntang Buendia at TM Kalaw.
Ang iba pang ruta ay SM North papuntang TM Kalaw, SM South Mall puntang Quiapo, Southmall puntang Lawton, Sto Niño puntang Ayala at Ortigas Center, Sucat puntang Lawton, Tandang Sora puntang TM Kalaw, Trinoma puntang Robinson’s Novaliches, Rodriguez puntang Araneta Cubao; at Montalban Central Terminal puntang Cubao Central Terminal.
Ayon sa LTFRB hindi na kailangang kumuha ng special permits ang mga UV express operators pero kailangang gamitin ang downloadable QR (quick response) code at palagiang sundin ang minimum health at safety standards sa loob ng naturang sasakyan.
Ang mga pinayagang pampasaherong sasakyan na makapasada muli ay napatunayang roadworthy at may valid na franchise at may Personal Passenger Insurance Policy.
- Latest
