Trains at EDSA Busway, balik-operasyon na
Matapos suspendihin dahil sa bagyong rolly
MANILA, Philippines — Inihayag ng Department of Transportation (DOTr) na balik-operasyon na ang railway services sa Metro Manila, gayundin ang EDSA Busway Consortium kahapon, Lunes, Nobyembre 2.
Ayon sa DOTr, bumiyahe nang muli ang Light Rail Transit Line 1 (LRT-1) at Line 2 (LRT-2), Metro Rail Transit Line 3 (MRT-3) at Philippine National Railways (PNR), gayundin ang EDSA Busway matapos na unang suspendihin nitong Linggo, Nobyembre 1, dahil sa pananalasa ng super bagyong Rolly.
“We have already finished clearing the tracks and performing systems check. #LRT1 is resuming its normal train operations from Baclaran to Balintawak today, 2 November 2020 (Monday), 430AM. Ingat po sa biyahe!” anunsiyo ng pamunuan ng LRT-1.
“Balik-operasyon na rin ang LRT-2, MRT-3 ngayong araw, ika-2 ng Nobyembre 2020, matapos suspendihin ang pagbiyahe ng mga tren nito kahapon dahil kay Bagong Rolly,” ayon pa sa aviso.
“Ibinaba na ang storm signal sa Metro Manila. Sa kabila nito, patuloy ang ginagawang pagpaalala ng pamunuan ng MRT-3 sa mga pasahero na mag-ingat sa kanilang pagbiyahe.”
“PNR will resume full operation of Metro Manila Commuter at 9:06 AM after tracks and bridges have been certified passable by Engineering Department after an inspection done to clear the alignment of debris after the typhoon,” paabiso naman ng PNR.
Samantala, inianunsiyo naman ni DOTr Assistant Secretary Goddes Hope Libiran na dakong alas-4:00 ng madaling araw ng Lunes nang muling bumiyahe ang EDSA Busway.
“Nakabiyahe na po ulit ang EDSA busway kaninang 4 AM,” aniya pa, sa panayam radyo.
- Latest
