Billboards sa EDSA, binaklas dahil sa bagyong Rolly
MANILA, Philippines— Sinimulan nang baklasin at tiklupin ang naglalakihang billboard na nakalatag sa kahabaan ng EDSA.
Ito ay bunsod na rin ng pagbabanta ng malakas na hangin na posibleng dalhin ng bagyong Rolly na nakapasok na sa Phi-lippine Area of Responsibility (PAR).
Mula sa bahagi ng Balintawak, EDSA North Avenue hanggang sa Cubao at Ortigas ay marami ng mga natiklop kung hindi man pansamantalang tinanggal ang mga billboards. Maging sa C-5 sa kanto ng Katipunan Avenue ay tiniklop na rin ang dambuhalang tarpaulin.
Ang pansamantalang pagtatanggal sa mga billboard ay isang panuntunang ipinatutupad ng Metro Manila Development Authority (MMDA) na kapag may babala nang pagtama ng bagyo ay dapat may pag-iingat sa posibleng pagbagsak nito dahil sa bugso ng malakas na ha-ngin.
Batay sa latest bulletin ng PagAsa, lalo pang lumakas ang bagyong Rolly na ang puntirya ay Central Luzon at isa sa posibleng makaranas ng epekto nito ay ang Metro Manila.
- Latest
