‘Reflectorized delineators’ sa Roxas Boulevard ‘di pinatawad ng kawatan
MANILA, Philippines — Hindi pinatawad ng dalawang kawatan ang inilagay na mga ‘reflectorized delineators’ sa center island ng Roxas Boulevard, panulukan ng Quirino Avenue, sa Malate, Maynila, kamakalawa ng gabi.
Kaagad namang naaresto ang mga suspek na kinilalang sina Michael Saludario, 28, ng Parañaque City; at Eddie Garlit, 45, ng Malate, Maynila, na kapwa nahaharap sa reklamong theft.
Nabatid sa ulat ng MPD-Station 9 alas- 9:00 ng gabi ng Oktubre 23.
Tumayong complainant ang isang Pablo Naron, 58, kinatawan ng Department of Public Works and Highways (DPWH) South Manila District Engineering Office.
Sa imbestigasyon, noong Oktubre 19, 2020 nang maghain ng reklamo si Engineer Mikunug D Macud, district engineer ng DPWH South Manila kaugnay sa pagkawala ng ilang pirasong reflectorized delineators sa center island ng R. Blvd. Southbound.
Agad namang pinakilos ni MPD Station 9 commander, P/Lt. Colonel Robert B Sales, kaya nagsagawa nang imbestigasyon hanggang sa bantayan ang mga taong tumatambay sa lugar.
Naaktuhan ng mga pulis ang pagbaklas ng dalawang suspek sa 3 pang pirasong reflectorized delineators na nagkakahalaga ng P3,000.00 sa lugar kung saan una na silang nagsagawa nang pagbabaklas.
- Latest