Pahayag ni Pope Francis sa same-sex ‘civil union’ hindi pa doktrina ng Simbahang Katoliko
MANILA, Philippines — Personal na opinyon lamang umano ni Pope Francis ang binitiwang pahayag sa ‘civil union’ ng same-sex couples at hindi pa isang opisyal na doktrina ng Vatican.
“Wala pang sinasabi ang Vatican na iyon ang stand ng Simbahan. The Pope said it in his interview, pero wala pang technical at legal na sinasabi ang Simbahan tungkol rito,” pahayag ni Fr. Francis Lucas, pangulo ng Catholic Media Network sa pahayag ng DZBB.
Tinutukoy ni Lucas ang sinabi ng Santo Papa sa dokumentaryong “Francesco” na kailangang magkaroon ng mga ‘civil union law’ ang mga bansa para mabigyan ng proteksyong legal ang ‘same sex’.
Matibay ang paninindigan umano ng Simbahang Katolika laban sa ‘same sex marriage’ ngunit iginagalang naman nila ang dignidad ng mga ‘homosexuals’.
Maaaring maging bukas naman umano ang Simbahang Katoliko sa ‘same-sex civil unions’ lalo na sa usaping legal ngunit hindi ang pagkakasal sa simbahan.
- Latest