CPP- NPA persona non-grata sa Metro Manila
MANILA, Philippines — Kapansin pansin ang mga tarpaulin na namataan sa ibat-ibang lugar sa Metro Manila na nagdedeklara sa Communist Party of the Philippines-New People’s Army-National Democratic Front (CPP-NPA-NDF) bilang persona non grata sa National Capital Region.
Sa Maynila ang tarpaulin ay nakalagay sa railings ng isang footbridge malapit sa US Embassy sa kahabaan ng Roxas Boulevard.
Meron din namataan sa may EDSA sa panulukan ng North Avenue sa Quezon City at sa iba pang lungsod.
Sinabi naman ni Philippine National Police (PNP) chief Police General Camilo Pancratius Cascolan na ang tarpaulin ay galing sa National Task Force to End Local Communist Armed Conflict (NTF-ELCAC), sa pakikipagtulungan ng mga lokalidad para labanan ang communit insurgencies. Ang naturang tarpaulin ay may logo ng PNP.
Giit ni Cascolan hindi papayagan ng mga pulis ang mga ilegal na aktibidad at pang-aabuso ng mga komunistang rebelde lalo na’t kung may intensyon ang mga itong saktan ang publiko.
Aniya, ayaw ng PNP na magkaroon ng rebelyon na galawan umano ng New People’s Army (NPA).
Ito aniya ang rason kung bakit nagtutulungan ang lahat para ‘di na muling umusbong ang insurgency.
- Latest
