‘Daga palit cash’, umarangkada sa Marikina
MANILA, Philippines — Nag-alok ng cash incentives ang pamahalaang lungsod ng Marikina sa mga residente para sa bawat daga na kanilang mahuhuli o mapapatay para malabanan ang leptospirosis.
Ayon kay Vice Mayor Marion Andres na may inilaang P50,000 para sa ‘Kampanya Kontra Lepto: Daga Mo Palit Cash’ program, kasabay nang pagtuturing sa daga bilang public enemy no. 1 sa lungsod.
Sinabi ni Andres na kahapon lamang may 20 katao ang nag-avail sa program kung saan ang isa ay kumita ng P400 para sa tatlong malalaking daga.
Kasabay naman nito, siniguro ng bise-alkalde na walang outbreak ng leptospirosis sa lungsod, gayunman ang kanilang aksyon ay bilang paghahanda lalo pa nga’t inihayag ng PagAsa na maraming bagyo ang inaasahan sa buwan ng Oktubre.
“May mga darating daw na bagyo kaya minabuti na natin na may programa,” dagdag pa nito.
- Latest