Online classes sa Valenzuela kanselado kung may bagyo
MANILA, Philippines — Sa kabila na nasa bahay naman ang mga estudyante sa kanilang pagkaklase, inihayag ng Pamahalaang Lungsod ng Valenzuela na kanselado ang online clas-ses dito kapag may bagyo.
Ito umano ay ayon sa panuntunan ng suspensyon ng klase kahit pa sa umiiral na distance learning.
Nakapaloob dito na kung signal no. 1, suspendido ang klase sa pre-school at kindergarten sa mga pampubliko at pribadong paaralan.
Magpapatuloy pa rin ang broadcast ng Valenzuela Live at ang mga talakayan sa klase at ang mga nagdaang aralin ay ia-upload at maaa-ring mapanood sa itinalagang YouTube channel.
Wala namang klase sa preschool, kindergarten, elementary at high school sa mga pampubliko at pribadong paaralan kapag signal No. 2 at maging ang broad-cast ng Valenzuela Live at ang mga talakayan sa klase ay suspendido.
Samantala, pati trabaho ng Department of Education ay kanselado na kapag signal no. 3, maging ang broadcast ng Valenzuela Live at talakayan sa klase.
Maaaring panoorin ang mga nakalipas na aralin sa itinakdang YouTube channel upang makapagbalik-aral ang mga estudyante at hinihikayat ang sariling pag-aaral gamit ang mga learning mo-dules.
- Latest