La Niña, inaasahang magpapataas ng water level sa mga dam
MANILA, Philippines — Umaasa ang pamunuan ng National Water Resources Board (NWRB) na magpapataas ng water level sa mga dam sa bansa ang dalang ulan ng La Niña phenomenon sa bansa.
Ayon kay Dr. Sevilla David Jr. ng NWRB, oras na magdala ng mga pag-ulan na dulot ng La Niña, babalik na sa normal ang water level sa mga dam lalo na sa Angat na nagsusuplay ng tubig sa Metro Manila.
Wala naman anyang nararanasang kakula-ngan ng suplay ng tubig sa MM sa ngayon pero dahil sa lumalaking populasyon at tumataas na demand sa tubig, maaaring kulangin ang suplay kung walang magaganap na mga pag-ulan sa watershed sa mga dam sa bansa.
Sinabi ni Sevilla na sa ngayon ay may dalawang taon pa bago matapos ang mga infrastructure projects na maaaring pagkukunan ng tubig para sa Metro Manila.
Sa ngayon anya ang ilang inaasahang pagkukunan ng tubig bukod sa Angat dam ay ang tubig mula sa Project Laguna Lake, Marikina River at Subang sa Quezon para sa dalawang taon o short term at medium term o 5 years naman sa Kaliwa dam.
Ang mga proyektong ito anya ang mga madaragdag ng suplay ng tubig na kailangan sa lumalaking populasyon sa NCR at karatig lalawigan.
Anya bago matapos ang taong 2020 ay dapat na nasa 212 meters ang water level sa Angat dam para matugunan ang pangangailangan sa tubig ng lumalaking populasyon sa Metro Manila, mga karatig lalawigan. Ang ibang dam naman ang magsusuplay ng tubig sa irigasyon.
- Latest