COVID-19 mega complex facility, binuksan sa Taguig

MANILA, Philippines — Binuksan na kaha-pon ang COVID-19 mega-complex facility kung saan matatagpuan ang bagong Molecular Laboratory, Lakeshore Mega quarantine facili­ty at ang Lakeshore National Testing Facility saTa-guig City.

Ginanap ang pagpa­pasinaya sa pangu-nguna ng pamahalaang lungsod nitong Biyernes kasabay ng pagho-host nito sa National Task Force Meeting.

Nitong Setyembre 13, 2020 nang nabigyan ng license to operate ng Department of Health (DOH) para sa pagpapatakbo ng nasabing molecular laboratory       ang Taguig LGU.

Makakatulong umano ang mga itinayong pasilidad upang madagdagan ang ginagawa ng national government sa testing, tracing at paggamot sa mga infected ng COVID-19.

Sa pamamagitan ng pagbubukas ng sariling molecular laboratory, mas mapapalakas nito ang testing capacity para sa COVID-19.

Ang laboratory na may manual at automa-ted testing machine ay target na makapagsa-gawa ng 100,000 RT-PCR tests sa pagtatapos ng taon na katumbas ng 10 porsyento ng kabuuang populasyon ng Taguig City.

Kahit noong wala pang sariling  laboratory, nakapagsagawa na ang Taguig ng 50,000 polymerase chain reaction (PCR) tests o 5 porsyen­to ng total population ng lungsod.

“This testing facili­ty will be a long-term benefit to the city to help us better manage the COVID-19 situation. Aside from that, the lab can also test pathogens affecting both humans and animals, allowing us to avert serious health issues in the future,” ani Mayor Lino Caye­tano.

Samantala, sa pagbubukas kahapon ng 500-bed COVID-19 Lakeshore Mega Qua-rantine Facility, ang Section1 lamang o 70 units ang maaari nang gamitin habang ang iba pa ay sa mga susunod na linggo inaasahang makumpleto o bago pa ang Pasko.