Mandatory online transaction, ipinatutupad na ng SSS
MANILA, Philippines — Ipinatutupad na ng Social Security System (SSS) ang mandatory online transaction at checkless disbursements upang bigyang daan ang mga miyembro, employers, pensioners, at beneficiaries/claimants sa mas mabilis, ligtas , mas convenient, at hindi magastos sa pagrerehistro at pagsubmit ng kanilang loan at benefit applications gayundin sa pagtanggap ng kanilang loan proceeds at cash benefits mula sa SSS.
“Aside from our full compliance with the requirements of Ease in Doing Business and Efficient Government Services Delivery Act , SSS continues its digitalization efforts through expansion and enhancement of our online service facilities for the benefit of the transacting public. It is also our way of supporting our healthcare workers in preventing the spread of COVID-19 since face-to-face interactions shall be limited within our branches,” pahayag ni SSS President at CEO Aurora C. Ignacio
Kasama sa mandatory online transactions ang filing ng salary at calamity loans, sickness benefit reimbursement application (SBRA) para sa mga employers, aplikasyon ng Social Security (SS) Number, Employment Report (R1A), submission ng sickness at maternity notification gayundin ang filing ng unemployment, retirement, at funeral benefit claims na may e-disbursement.
Para sa online transactions, ang mga miyembro, employers, at pensioners ay kailangang may sariling My.SSS account.
Kapag naipasok na ang SSS registration, kailangan din nilang irehistro ang kanilang disbursement account sa pamamagitan ng Disbursement Account Enrollment Module (DAEM) para sa disbursement ng kanilang loan at benefits.
Sa mga online users na gustong tumanggap ng kanilang benepisyo via e-wallet o remittance transfer companies (RTCs)/cash pick-up outlets (CPOs), kailangang mai enrol ang kanilang mobile numbers sa Bank Enrolment Module(BEM) sa kanilang My.SSS accounts.
Sa mga may tanong tawagan ang SSS hotline 1455 o sundan ang official Facebook page, “Philippine Social Security System,” Instagram Account “Mysssph,” o Twitter Feed “PHLSSS.” Maaari ring mag log in sa kanilang My.SSS account para sa online services verification/queries.
- Latest