Pasahero sa mga public transpo dinagdagan

Social Distancing niluwagan ng DOTr

MANILA, Philippines — Inihayag kahapon ng Department of Trans­portation (DOTr) na ba­hagya nang magluluwag sa ipinatutupad na social distancing sa mga pampublikong sasasakyan simula sa Lunes, Setyembre 14.

Nangangahulugan ito na madaragdagan na ang mga pasahero sa mga PUVs.

Ito’y matapos na aprubahan ng Inter-Agency Task Force on Emerging Infectious Diseases (IATF-EID) ang proposal na ito ng  Economic Development Cluster (EDC) at DOTr hinggil sa pag­babawas sa layo ng pasahero ng mga  commuters.  

Base sa panukala, hindi na isang metro ang layo ng mga pasahero sa mga public trains.

Sinabi ng DOTR na  mula sa 1 meter physical distancing  ay ginawa na lamang 0.75 meters partikular sa mga tren ng LRT-1, LRT-2, MRT-3 at PNR dahil naipaiiral naman ang health protocols sa loob ng passenger vehicles tulad ng pagsusuot ng  face masks at face shields para maiwasan na mahawa ng COVID-19 virus.

Makaraan nito ayon sa DOTr, maaaring gawing 0.5 meters  hanggang sa maging  0.3 meters na lamang ang layo ng mga pasahero.

Malaking tulong umano bilang protek­syon ang pagsusuot ng face masks at face shields para hindi ma-infect ng virus.

Para sa mga mo-dern public utility vehicles at public utility buses, pwede na ang mga nakatayong pasahero.

Ayon naman kay IATF-EID chief Se­cre­­t­ary Galvez ang aksyon ay ginawa para maraming mga manggagawa at empleyado ang matulungang mag­tungo sa kanilang tanggapan sa kabila ng mahigpit na qua-rantine measures na ipinatutupad ng pamahalaan.

“With public transportation, there is faster recovery of lives and livelihoods as we push forward under the new normal,” dagdag pa nito.