PNP contact tracers binuo vs COVID-19
MANILA, Philippines — Inatasan ni PNP chief, Gen. Archie Gamboa, si PNP Deputy Chief for Administration at Administrative Support to COVID-19 Operations Task Force (ASCOTF) Commander, Lt. Gen. Camilo Pancratius Cascolan ang Criminal Invesigation and Detection Group (CIDG) na bumuo ng team para sa contact tracing.
Sa kanyang direktiba, makipag-ugnayan ang PNP kay Tracing Czar Baguio City Mayor Benjie Magalong para sa mas pinalakas at epektibong contact tracing.
Aniya, malaking tulong sa panig ng PNP ang koordinasyon upang mahanap ang nakahalubilo ng mga nagpositibo sa COVID-19 at mapigilan ang paglawak ng kaso.
Upang matiyak ang kahandaan ng pulisya sa pag-alalay sa contact tracers, agad ding pinabuo ni Cascolan ang isang team habang isinasagawa ang training.
Ipinaliwanag naman ni Cascolan na ang bubuuing team ay siyang direktang aalalay sa local government unit para sa contact tracing.
Magugunitang noong Lunes ng gabi, sa pahayag ng Pangulo, ang mga pulis ang maghahatid sa mga contact tracer sa mga lugar habang ang barangay captain naman ang magtuturo sa mga tahanan para sa contacts o posibleng nakasama ng pasyente.
- Latest
