600 tauhan ng Coast Guard, positibo sa COVID-19
MANILA, Philippines — Umaabot na sa 600 tauhan ng Philippine Coast Guard ang nagpositibo sa coronavirus disease (COVID-19) habang patuloy ang kanilang serbisyo sa paghahatid sa mga LSI (locally stranded individuals) at mga dumarating na overseas Filipino workers (OFWs) sa kani-kanilang mga probinsya.
Sa ulat ng PCG kahapon, 71 ang mga bagong kasong naiulat kaya umakyat ang bilang ng aktibong kaso sa 297.
Agad na ipinull-out sa kanilang mga istasyon ang naturang mga tauhan at binigyan ng angkop na medikal na atensyon. Isinasailalim naman sa monitoring ang mga tauhan na nakasalamuha ng mga nagpositibo sa COVID-19.
Tiniyak ng PCG ang regular na pagsasagawa ng ‘swab testing’ sa kanilang mga tauhan na frontliners at sinusuplayan ng sapat na bitamina, PPE sets at mga medical supplies para maayos na magampanan ang kanilang mga tungkulin.
- Latest