P186.9 milyong puslit na sigarilyo, nasabat
MANILA, Philippines — Umabot sa P186.9 milyong halaga ng mga sigarilyo na ilegal na ipinasok sa bansa ang nasabat ng Bureau of Customs (BOC) sa Manila International Container Port (MICP) sa Maynila kamakalawa. Nabatid na nagduda ang BOC sa kargamento na laman ng pitong containers na idineklara na naglalaman ng mga tuwalya, school bags, bed sheets, iba pang uri ng bag at mga tela.
Ngunit nang isailalim sa physical examination, nadiskubre na naglalaman ang mga ito ng 6,249 maste cases ng mga sigarilyo na may brand na Two Moon, Might, Marvel and D&B na tinatayang nagkakahalaga ng P186.9 milyon.
“This operation marks the biggest apprehension of smuggled cigarettes by MICP which now has an accumulated total of Php 219.6 million,” ayon sa BOC.
Patuloy namang kinikilala ng BOC ang consignee ng naturang kontrabando para masampahan ng kaukulang kaso.
- Latest