Kilos-protesta vs SONA, generally peaceful – NCRPO
MANILA, Philippines — Itinuturing ni National Capital Region Police Office (NCRPO) Director P/Major General Debold Sinas na general peaceful ang isinagawang kilos protesta ng mga militanteng grupo sa loob ng bisinidad ng Unibersidad ng Pilipinas.
Ayon kay Sinas sinunod naman ng mga militante sa kanilang napagkasunduan na hindi magtutungo sa Commonwealth area at tanging sa loob lamang ng UP isinagawa ang kanilang pagkilos.
Maging ang pagsasagawa ng programa na mula alas-9:00 ng umaga hanggang alas-12:00 lamang ng tanghali ay nasunod hanggang sa nadisperse ang mga raliyista.
Taliwas naman ang bilang na sinabi ni Bayan Secretary General Renato Reyes na aabot sa 7,000 hanggang 8,000 ang lumahok sa ‘SONAgkaisa’ dahil kung pagbabasehan ang datus ng Quezon City Police District (QCPD) ay tinatayang nasa 1,700 hanggang 1,800 lamang ang lumahok sa protesta.
Samantala, umabot naman sa 34 na mga indibiduwal ang naaresto ng kapulisan kung saan lima sa caloocan, lima sa Quezon City at 24 sa Marikina.
- Latest
