Taas presyo sa petrolyo, ipinatupad
MANILA, Philippines — Muling magpapatupad ng taas presyo sa produktong petrolyo ang ilang kompanya ng langis ngayong araw na ito.
Ang Shell, Petron, Sea Oil ay may dagdag na presyong P0.25 sa kada litro ng diesel, P0.30 sa kada litro ng gasolina at P0.30 din sa kada litro ng kerosene, pagsapit ng alas-6:00 ng umaga.
Samantalang ang Chevron Philippines Inc.(Caltex) ay agad na magpapatupad ng dagdag singil na gaya ng mga naunang kompanya pagtuntong pa lang ng alas-12:01 ng hatinggabi.
Gayundin ang iba pang oil player na Phoenix Petroleum Philippines, PTT Philippines, Petro Gazz, na alas- 6:00 ng umaga ay epektibo rin ang dagdag presyo sa kanilang diesel na P0.25 bawat litro at gasolina na P0.30 bawat litro.
Ang pagtaas ng presyo ng mga produktong petrolyo ay bunsod umano sa pagtaas ng presyo ng sangkap na Ethanol.
- Latest