Dayo sa Tarlac na namatay, COVID-19 positive
TUGUEGARAO CITY, Cagayan, Philippines — Isangmister nataga-Isabela na dumayo at namatay saTarlac noong Hulyo 10 ang positibo sa COVID-19 matapos lumabas ang resulta ng ginawang pagsusuri sa kanyang health authorities kahapon lamang.
Sa report ng Tarlac-COVID-19 Task Force, ang 57-anyos na lalaki na hindi na tinukoy kung saang munisipalidad galing ay dumating sa bayan ng San Clemente upang dalawin naman ang kapatid nitong nakaratay sa banig ng karamdaman noon pang Hunyo 21.
Nakaranas umano ng sintomas ng COVID ang mister noong Hulyo 5 at nang lumala ang pag-uubo nito ay isinugod sa isang pribadong ospital.
Nabatid na may diabetes at altapresyon ang naturang mister na pasyente.
Ayon sa Task Force, inilipat ang pasyentenoong Hulyo 9 sa Tarlac Provincial Hospital na malala na ang kalagayan at bumigay na nang sumunod na araw dahil sa kumplikasyong dulot ng pneumonia at acute respiratory distress syndrome. Lumabas ang resulta ng swab test nito na positibo sa coronavirus.
Samantala, dinala sa health facility ng Asean Convention Center sa Clark, Pampanga ang isang umuwing overseas Filipino worker (OFW) noong Biyernes mula sa Qatar at tubong Nueva Ecija matapos siya ng magpositibo sa COVID-19 kahapon.
- Latest