P3.1 milyong kush marijuana, nasamsam ng BOC
MANILA, Philippines — Nasamsam ng Bureau of Customs(BOC-NAIA) ang nasa P3.1 milyong halaga ng kush marijuana mula sa Central Mail Exchange Center (CMEC) sa Pasay City.
Sinabi ni NAIA District Customs Collector Mimel Talusan, ang kontrabando ay galing sa California, USA ay idineklarang mga chocolate, green Tea, Shirt, blac tea, ngunit sa ginawang pisikal na pagsusuri, nakita ng Customs examiner na nasa loob ng apat na pakete ang high grade marijuana. Ang package ay naka-cosigned sa isang residente ng Marikina City.
Ang marijuana ay itinuturing pa ring ilegal sa bansa at ang pag- angkat nito ay may katumbas na parusang habambuhay na pagkabilanggo.
Sinabi ni Talusan, na patuloy ang kanilang profiling sa mga parcels at kargamento na dumarating sa bansa at pinaigting ang pag-eksamin at monitoring sa mga paketeng dumarating.
Ang nasamsam na marijuana ay isinalin ng customs sa pag-iingat ng Philippine Drug Enforcement Agency (PDEA) kahapon para sa karagdagang profiling at case build-up para sa paglabag sa Dangerous Drugs Act na may kaugnayan sa Seksyon 119 at Seksyon 1113 ng ang Customs Modernization and Tariff Act.
- Latest