Curfew period sa Parañaque, pinaikli
MANILA, Philippines — Binawasan ang oras ng curfew hours sa lungsod ng Parañaque upang mabigyan ng mas mahabang pagkakataon ang operasyon ng dine-in restaurants at iba pang food establishments.
Ayon kay Mayor Edwin Olivarez, ang dati na mula alas-8:00 ng gabi hanggang alas-5:00 ng madaling araw, ay binago na ito at magsisimula na ng alas-10:00 ng gabi at hanggang alas- 4:00 ng madaling araw.
Ikinunsidera din niya, dito na mabigyan pa ng sapat na panahon ang mga residente na makapamili ng essential commodities at makauwi ng bahay ang mga nagtatrabaho na alam namang nahihirapan dahil sa limitadong operasyon ng public transport.
Inatasan din ni Olivarez si Atty.Melanie Malaya na magsagawa ng regular na inspeksiyon sa lahat ng dine-in restaurants at iba pang katulad nito kung nakakatugon sa itinakdang guidelines ng Department of Trade and Industry (DTI).
Hanggang alas-10:00 ng gabi maaaring mag-opereyt ang mga restaurants na dapat ay nasa 30 porsyentong capacity lamang habang umiiral din ang iba pang minimum health protocols at ang health checklist ng kustomer na magagamit sakaling kailanganin sa contact tracing.
- Latest