SMC sinimulan na ang PCR testing sa mga empleyado

MANILA, Philippines  — Sinimulan na ng San Miguel Corporation ang CO-VID-19 testing sa kanilang mga kawani bilang bahagi ng isang extensive plan sa ligtas na pagbubukas ng mga workplaces nila at ipagpatuloy ang pagbibigay ng essential services sa sambayanan.

Kasalukuyang ginagawa ang swabbing sa key facilities ng kompanya kasabay ng pagpapatayo ng isang dedicated testing lab.

Ipapatupad ng SMC ang mahigpit na implementas-yon ng physical distancing, pagsusuot ng protective equipment, palagiang pag­huhugas ng mga kamay at pagsasagawa ng temperature checks sa layuning mapigilan ang pagkalat ng virus at matiyak ang kaligtasan ng kanilang mga empleyado.

“We are prioritizing, first, our security and other maintenance staff, as they are the ones who take care of our workplace. After them, we test our colleagues whose duties require them to report to the office,” sabi ni SMC president at COO Ramon S. Ang.

“Initially we are looking at only 20% of our head office population to report for work. Majority will still continue to work-from home,” dagdag pa nito.

Ayon pa sa SMC chief, kapag binuksan na ang Polyme-rase Chain Reaction (PCR) testing laboratory ay mas maraming empleyado nila ang masusuri na titiyak sa ligtas nilang pagbabalik sa trabaho.

Ang PCR testing ay ang gold standard para sa pagsusuri ng COVID-19 dahil ito ay highly reliable at accurate.

Nakatakda ring simulan ang COVID-19 testing sa iba pa nilang pasilidad, partikular na sa food manufacturing plants sa Cavite.

Nangako ang SMC na susuportahan ang lahat na 17 Metro Manila LGUs sa kanilang hangaring mapa-lawig ang COVID-19 testing sa mga lugar nila.