4,904 empleyado ng Caloocan City Hall sumailalim sa rapid testing
MANILA, Philippines — Umaabot sa 4,904 empleyado ng Caloocan City Hall ang isinailalim sa rapid testing ngayong nasa ilalim ng Modified Enhanced Community Quarantine ang Metro Manila.
Ito ang inihayag ni Caloocan City Mayor Oscar Malapitan upang malaman kung sino ang positibo at negatibo sa virus bago makabalik sa trabaho.
“Nais natin masiguro na negatibo sa virus ang lahat ng ating mga empleyado hindi lang para sa kanilang kaligtasan, kundi para sa kapakanan din ng ating mga mamamayan na maaari nilang makahalubilo habang sila ay nagbibigay-serbisyo,” ani Malapitan. Pangungunahan ng mga health workers ng Caloocan City Medical Center (CCMC) at Caloocan City North Medical Center (CCNMC) ang isasagawang rapid testing para sa lahat ng kawani ng lungsod.
- Latest
