Maynilad nagbigay ng isolation tents at hygiene kits
MANILA, Philippines — Nagkaloob ang West Zone concessionaire Maynilad Water Services, Inc. (Maynilad) ng 100 isolation tents at hygiene kits para sa University of the Philippines (UP) Alpha Sigma Fraternity Alumni Association para ilagay sa bagong 100-bed quarantine facility para sa COVID-19 patients sa UP Diliman, Quezon City.
Ang ayuda ay tinanggap nina UP Overall Head Volunteers Jershum Manglinong at Atty. Mars Arias mula kay Maynilad Government Relations Head at UP alumna Antonette de Ocampo .
Bukod sa isolation tents, naipagkaloob ding ayuda ng Maynilad sa samahan ang shower at toilet facilities, beddings/mattresses, at water dispensers para sa COVID-19 patients.
Ang Maynilad’s Php1.7 milyong halaga ng donasyon para sa quarantine facility sa UP Diliman Gymnasium ay bahagi ng suporta ng kompanya sa “Act as One Ph” na sinimulang ilunsad ng mga miyembro ng UP Alpha Sigma Fraternity Alumni Association noong Marso.
May 100 hospitals nationwide na ang tumanggap ng tulong mula sa donasyon ng samahan na mga PPEs, supplies, medical equipment at pagkain.
Nagtayo din ang grupo ng limang frontliner shelters at quarantine facilities sa bansa na ang isa ay sa UP Diliman.
- Latest
