Bebot timbog sa P1.9 milyong ecstasy
MANILA, Philippines — Arestado ang isang babae nang kunin nito ang dalawang pakete na naglalaman ng 1,073 pirasong iba’t - ibang klase ng ecstasy na nagkakahalaga ng P1.9 milyon sa Central Mail Exchange Center, Pasay City galing sa Netherland.
Kinikala ni NAIA District Customs Collector Mimel Talusan, ang nadakip na suspek na si Kim Fuentes residente ng Makati City.
Ayon kay Talusan, dumating ang dalawang pakete sa koreo noong Feb 27., na ipinadala ng isang Peter buhat Netherlands na idineklarang candy pero isiningit dito ang higit sa isang libong pirasong ecstasy.
Ayon kay Talusan, dumating ang claimant na si Fuentes para kunin ang mga pakete na lingid sa kaalaman ng suspek na alam na ng mga awtoridad ang laman ng parcels.
Nakatakda nang sampahan ng mga awtoridad ng kaukulang kaso ang suspek matapos ilipat ito sa PDEA.
- Latest