POGO sa Pasay isinara ng BIR
MANILA, Philippines — Isinara ng mga elemento ng Bureau of Internal Revenue (BIR) - Task Force Pogo ang isang POGO outlet dahil sa hindi pagbabayad ng tamang buwis sa pamahalaan.
Ang Synchronization Anywhere For You Inc. na matatagpuan sa Pasay City ang kauna-unahang POGO na naisara ng BIR dahil sa pagkabigo ng licensee/operator nito na bayaran ang 5 percent Franchise Tax due ng kanilang gross gaming receipts para sa taxable year 2019 na may halagang 114 milyon kasama na ang incremental penalties.
Sa ilalim ng PD No. 1869 sa pamamagitan ng Revenue Memorandum Circular (RMC) No. 102-2017, ang lahat ng gross gaming revenue OR (official receipt) earnings mula sa gaming operations ng mga franchise holders ay dapat ipagbayad ng franchise tax na 5 percent na iba pa sa iba pang binabayarang buwis sa operasyon nito.
Ang hakbang ay ginawa nang sumambulat sa publiko na bilyong halaga ng buwis ang utang sa pamahalaan ng mga Pogo operations sa bansa.
Binalaan ni BIR Commissioner Commissioner Caesar R. Dulay, ang mga negosyante laluna ang mga POGO operators na papatawan ng kaukulang multa at parusa ang mga ito oras na mapatunayang ‘di nagbabayad ng tamang buwis sa pamahalaan.
- Latest