Kelot patay sa sunog

MANILA, Philippines — Isang 34-anyos na lalaki ang nasawi sa naganap na trenta minutos na  sunog  sa Sampaloc, Maynila, kahapon ng umaga.

Kinilala ang nasawi na si Denmark Jose, residente ng Domingo Santiago St., Sampaloc, Maynila.

Sa ulat ni SFO3 Edilberto Cruz, arson investigator ng Manila Fire District, unang alarma lang ang inabot ng sunog na nagsimula dakong alas-6:06 ng umaga at idineklarang fire-out alas-6:39 ng umaga.

Hindi nakalabas ng bahay at natagpuang patay ang biktimang na-suffocate sa loob ng banyo.

Nangungupahan lamang umano ang pamilya Jose sa 3-storey apartment na nasunog.

Yari sa pinaghalong concrete at light materials ang nasabing bahay na tinatayang nasa P10-libo ang napinsalang ari-arian.