MMFF muling tatanggap ng ‘short films’ ng Pinoy students
MANILA, Philippines — Muling binuksan ng Metro Manila Film Festival (MMFF) ang ‘Short Film Competition’ para sa mga Pilipinong mag-aaral bilang bahagi ng Metro Manila Summer Film Festival (MMSFF) sa Abril.
May temang “Pinoy Pride”, hinikayat ni Metropolitan Manila Development Authority (MMDA) at MMFF Chairman Danilo Lim ang mga estudyante na mahilig gumawa ng pelikula na lumahok sa kumpetisyon at isumite ang kanilang mga obra hanggang Pebrero 28.
May criteria ang Student Short Film na-‘artistic excellence- 70%; Filipino cultural sensibility- 20% at global appeal- 10%.
“We look forward to the success of the MMSFF, a spin-off of the annual MMFF held every December, to encourage Filipino filmmakers to create more films and showcase the cinematic artistry and talents of the members of the Filipino movie industry,” ayon kay Lim.
Samantala, ang mga lokal na film makers naman ay binibigyan ng hanggang Pebrero 15 para magsumite ng kanilang mga entries sa regular na film category.
Tutukuyin ang mga entry na makakapasa sa Marso 2 at ipalalabas sa mga sinehan mula Abril 11 (Black Saturday) hanggang Abril 21.
Magugunitang ipinanukala ni Senador Bong Go ang Summer Festival para hikayatin ang mga Pinoy film makers sa paglikha ng mga de-kalidad na mga pelikula at mapalakas ang industriya.
- Latest
