Higit 5 kilo ng marijuana nasamsam sa buy-bust
MANILA, Philippines — Mahigit 5 kilo ng marijuana ang nakum-piska sa isang 28-anyos na lalaki sa isinagawang buy-bust operation na ikinasa ng mga tauhan ng Manila Police District-Station 7, sa Tondo, Maynila, kahapon ng hapon.
Nakatakdang isai-lalim sa inquest proceedings ang suspek na si Norvy Jesalva, at residente ng New Antipolo St., Tondo, Maynila sa paglabag sa Section 5 at 11 ng Republic Act 9165 o possession of illegal drugs and selling of illegal drugs.
Sa ulat ni P/Corporal Reyna Joy M Ofalsa, dakong ala-1:20 ng madaling araw nang isagawa ang buy-bust operation laban kay Norvy sa tapat ng bahay nito na sakop ng Barangay 217 ng mga tauhan ng Station Drug Enforcement Unit ng MPD-Station 7 sa pamumuno ni P/Capt. Manuel S. Calleja.
Narekober mula sa suspek ang isang malaking bloke na oblong shape marijuana; 7 plastic ng yelo na naglalaman ng marijuana ang bawat isa; 26 na medium heat sealed plastic sachets ng marijuana; 273 piraso ng small heat sealed plastic sachets ng marijuana; isang timbangan; at isang P500 bill marked mo-ney.Tinatayang nasa P200,000 hanggang P250,000 ang halaga ng nakumpiskang marijuana.
- Latest