Buntis, 8 pa tiklo sa droga

MANILA, Philippines — Swak sa selda ang siyam katao kabilang ang isang buntis na nasa kabuwanan na, na itinuturong kilabot na mga ‘tulak’ makaraang masakote ng mga otoridad sa isinagawang buy-bust operation sa lungsod ng Quezon, kahapon ng madaling araw.

Ang mga nadakip na suspek ay kinilalang sina Maricel Pajarillo, 33, full-term pregnant o kabuwanan na, residente ng Brgy. Pasong Tamo; Ronald Questin, 38; Mary Joy Gutierrez, 26; Nurhaina Jahara alyas “Yna”, 24;  Mark Mendoza, 35; Jayner Adamero, 26; Jeppy Santelices, 33; Jemilissa Tumanguil alyas “Jane”, 20; at Imelda Vergara, 23.

Ang mga suspek ay nadakip dakong alas-3:05 ng madaling araw sa Crame St., Brgy. Pasong Tamo, Quezon City.

Nakumpiska sa mga suspek ang nasa 10 gramo ng droga na nagkakahalaga ng P150,000, buy-bust money at iba’t ibang drug paraphernalia.

 Nakakulong ngayon ang mga suspek sa QCPD integrated jail at nahaharap sa kasong RA 9165  o Comprehensive Dangerous Drugs Act of 2002.

Pinuri naman ni Quezon City Police District (QCPD) Dir.P/Brig.Gen. Ronnie  Montejo ang kanyang mga tauhan sa kanilang tuluy-tuloy at masigasig na operation na nagresulta sa pagkakadakip sa mga sinasabing tulak ng droga sa Quezon City.