PNP generals, matatabang pulis pinagyo-yogurt diet
MANILA, Philippines — Pinagda-diet ni Philippine National Police (PNP Officer-In-Charge Lt. Gen. Archie Gamboa ang mga matatabang pulis kabilang ang mga heneral na sinabihan nitong mag-yogurt diet kaugnay ng ‘Body Mass Index’ (BMI) program o ang pagmimintina ng tamang timbang ng kapulisan.
Ayon kay Gamboa , ang BMI ay kabilang sa marching order ni Department of Interior and Local Government (DILG) Secretary Eduardo Año sa PNP bukod pa sa tamang asal, basic good manners , right conduct at tamang bihis.
“Medyo compliance sa body mass index which we are implementing”, giit ni Gamboa, this will all go through the ranks of the PNP from patrolman up to the generals.”, anang opisyal.
Ipinahiwatig naman ni Gamboa na kabilang sa pinagda-diet si Brig. Gen. Debold Sinas, Director ng National Capital Region Police Office (NCRPO).
Nabatid pa sa heneral na rekisitos din ang BMI sa schooling at promosyon ng mga pulis kaya dapat itong masunod ng mabuti. Samantalang mas mahahabol ang mga tinutugis na kriminal kung maganda ang pangangatawan ng mga parak.
Sinabi ni Gamboa na nais ng liderato ng PNP na mabuhay ng matagal ang mga pulis kaya dapat na panatilihin ang malusog na pangangatawan at kapag hindi mo ito napanatili ay baka hindi ka na abutin ng pagreretiro.
- Latest
