Tulong ng publiko, hingi ng DOTr vs nambabato sa mga tren ng PNR
MANILA, Philippines — Umapela kahapon sa publiko ang Department of Transportation (DOTr) na tumulong para masawata ang nagaganap na pambabato sa mga tren ng Philippine National Railways.
Ito’y matapos na ihayag ng PNR na umabot sa 14 ang insidente ng “stone –throwing” na naitala mula Disyembre 2 hanggang Disyembre 21 lamang.
Nanawagan ang DOTr sa publiko na ireport ang kahalintulad na insidente at tumulong para mapanatili ang kuwalidad ng mga tren.
“Ang mga tren na ito ay pag-aari ng mga Filipino, kaya dapat na makibahagi para ito maingatan at maprotektahan para matagal itong mapakinabangan”, pahayag ng DOTr.
Kasabay nito, nanawagan din sila sa mga awtoridad na maimbestigahan ang insidente nang pambabato sa mga tren.
- Latest