9 pusher timbog sa buy-bust

MANILA, Philippines — Sa kulungan ang bagsak ng siyam na sinasabing ayaw tumigil sa kanilang pagtutulak ng bawal na droga sa isinagawang anti-drug operation ng mga otoridad sa lungsod ng Quezon, kahapon ng madaling araw.

 Ang mga suspek ay nakilalang sina Bimbo Pelejotes, 50; Daniel Gonzales, 25; Ronald Mcdonald, 35; Francis Ponce, 32; Jerry Lioba, 39; Roberto Caro, 49; Jaime Sanchez, 46; Ronnie Sendin, 36 at Erick Samijon, 31. Ayon kay QCPD Director, P/Brig. Gen.Ronnie Montejo, ang mga suspek ay naaresto ng kanyang mga tauhan sa QPCD District Drug Enforcement Unit at Station DEU ng Station 4,5,7 at 9 dakong alas-12:00 hanggang alas-4:00 ng madaling araw sa magkakasunod na buy-bust operation.

Sinabi ni Gen. Montejo, mismong mga residente ng Quezon City ang nagbibigay na ng impormasyon sa mga awtoridad dahil sa ayaw paring tumigil sa pagbebenta ng bawal na gamot ng mga suspek.

Nabawi mula sa mga suspek ang nasa 275 plastic sachet na naglalaman ng droga na nagkakahalaga ng P600,000 at ibat-ibang drug paraphernalia.