3,700 kilo ng ‘botcha’, nasabat

MANILA, Philippines — Pinag-iingat ni Manila Mayor Isko Moreno ang publiko laban sa ibinebentang botchang karne lalo pa at papalapit na  ang Pasko.

Ang babala ni Moreno ay bunsod ng pagkakasabat ng  3,700 kilo ng smuggled  na Chinese meat  ng mga tauhan ng Veterinary Inspection Board (VIB)  sa Arranque market, kamakalawa ng gabi.

Ayon kay Moreno, ang mga ganitong smuggled na produkto ang  nakakasira sa lokal na industriya ng pagbababoy.

Tiniyak ng alkalde sa mga mamimili na mahigpit ang ginagawang inspection ng VIB upang  ligtas kainin ang kanilang mga nabibiling baboy.

Inutos ni Moreno na dalhin sa Manila Zoo ang mga kumpiskadong  Chinese meat  upang ipakain sa mga buwaya.