P1.3 milyong shabu nasamsam, 3 ‘tulak’ timbog
MANILA, Philippines — Umiskor ang mga tauhan ng Quezon City Police District (QCPD) matapos makumpiska ang P1.3 milyong halaga ng shabu kasunod sa pagkakaaresto sa tatlong big time drug pushers sa isinagawang operasyon kamakalawa ng gabi sa Brgy. Socorro sa nasabing lungsod.
Kinilala ang mga nasakoteng suspect na sina Kirby Angelo Ruiz, alyas Pogong, 30; Albert John Pakinga, alyas Johnjok, 19 at Darwin Marie Nonarte, 23.
Dakong alas-10:20 ng gabi, nang isagawa ang buy-bust operation sa Main Avenue sa panulukan ng EDSA, Brgy. Socorro sa lungsod .
Isang police poseur buyer ang nagpanggap na bibili ng P 200,000 halaga ng shabu mula kay Pogong na dumating sa napagkasunduang lugar na may kasamang drug peddler.
Inaresto ang suspect matapos na humudyat ang undercover agent habang iniaabot ang nasabing halaga ng shabu.
- Latest