Kahero tepok sa salpok ng motorsiklo
MANILA,Philippines — Patay ang isang kahero matapos mabundol ng isang motorsiklo habang tumatawid sa kalsada sa Barangay Hulo, Mandaluyong City, kamakalawa ng gabi.
Binawian ng buhay dahil sa matinding pinsala sa ulo ang biktimang si Jose Maria Sespeñe, 58, account recei-vable clerk, at nakatira sa Sgt. F. Santos St., sa nasabing barangay.
Arestado naman at nahaharap sa kasong Reckless Imprudence Resulting in Homicide ang suspek na si Jomarie Jerson Zarate, 28, isang call center agent at residente ng Cadena de Amor St., Minahan, Malanday, Marikina City.
Batay sa ulat ng Mandalu-yong City Police, dakong alas-7:15 ng gabi nang maganap ang aksidente sa eastbound ng Coronado St., sa ilalim ng Makati-Mandaluyong Bridge.
Sakay ang suspek ng kanyang motorsiklo na may plakang 8524 UZ at binabagtas ang inner lane ng Coronado St., mula Makati-Mandaluyong Bridge, nang mabundol nito ang biktimang noon ay tumatawid naman sa naturang lugar.
Dahil sa lakas ng impact tumilapon ang biktima at bumagsak sa sementadong kalsada.
Kaagad namang naisugod ng mga otoridad sa pinakamalapit na pagamutan ang biktima ngunit nalagutan din ng hininga.
- Latest
