54 kilo ng ibat-ibang karne, nasabat sa NAIA
MANILA, Philippines – Nasa 54 na kilo ng sari-saring karne mula sa ibang bansa ang nasabat sa NAIA Terminal 1 kahapon.
Napigil itong mailabas sa paliparan ng mga tauhan ng Bureau of Customs at Bureau of Animal Industry .
Kabilang sa mga nasabat na karne ay 18.5 kilo ng manok, 19 kilo ng karne na baboy, 12.5 kilo ng duck meat at 4 na kilo ng baka.
Nabatid pa na ang mga karne ay buhat sa Jinjang, Xiamen at Guanzhou sa China, Naritya sa Japan at Malaysia.
Agad namang itinurn-over ang meat products sa Bureau of Quarantine para sa tamang disposal.
Mahigpit ang pag-iingat ng pamahalaan sa mga karne na pumapasok sa bansa dahil na rin sa pagkalat ng African Swine Fever.
- Latest