Shabu sa P20 bill, huli

Modus na ‘palusot’, ‘di nakalusot

MANILA, Philippines – Kalaboso  ang isang lalaking dumalaw lamang sa kaibigan nang mahulihan ng shabu na tinangkang ipuslit sa pamamagitan ng P20 habang iniaabot sa inmate ng Manila Police District-Station 4, sa  Sampaloc, Maynila, kamakalawa ng hapon.

Isinailalim sa inquest proceedings sa reklamong paglabag sa section 11 ng Republic Act 9165 o possession of illegal drugs ang suspek na si Crisfford Amosco, 22, ng Algeciras St. Sampaloc, Maynila

Sa ulat, alas- 5:00 ng hapon nitong Huwebes nang mabuking ni P/Patrolwoman Bernadeth Mapue ang iniaabot na pera sa nakapiit na si Rolan Garcia.

Nakabilot umano ang bente pesos at nakapalaman doon ang shabu na natuklasan .

Tinatayang nasa P1,500. ang halaga ng nasabing ilegal na droga.