Guro pinadalhan ng hubad na larawan ng tatay ng estudyante, nagsampa ng kaso
MANILA, Philippines – Isang 48-anyos na babaeng guro ang naghain ng pormal na reklamo laban sa tatay ng kanyang 8-taong gulang na estudyante nang makatanggap mula rito ng larawang nakahubo at labas ang ari sa Sta. Mesa, Maynila.
Batay sa complaint affidavit ng gurong nagpatago sa pangalang Ghie, residente ng Sta. Mesa, Maynila, kahapon lang siya nagkaroon ng lakas ng loob na magsampa nang reklamo dahil sa hindi matanggap na binastos siya ng ama ng estudyante.
Sinabi ni Ghie kay P/Master Sergeant Thelma Samudio ng Manila Police Distric-Women and Children Protection Unit , noon pa umanong Setyembre 10, alas-12:15 ng hapon nang masorpresa siya sa natanggap na nude photo sa kanyang cellphone at kilala umano niya ito na tatay ng kanyang pupil. Kinompronta naman umano niya ang suspek na si Ruben Santos, 50, subalit nangatwiran na ‘wrong send’ dahil sa kanyang girlfriend umano ito dapat ipino-forward. Nahaharap sa reklamong paglabag ng Article 287 ng Revised penal Code o Unjust Vexation ang suspek.
- Latest