Rapper na si Andy G, huli sa droga
MANILA, Philippines – Dinakip ng mga tauhan ng Pasay City police ang dating battle rapper na si Andy G matapos mahulihan ng shabu.
Nabatid sa report na isang sachet ng shabu ang nakuha kay Andy G na Andy Jamolin sa totoong buhay.
Bukod sa nabanggit na rapper, dinakip din ang pinagkukunan umano ni Andy ng mga ilegal na droga. Nakilala ito na si Joseph De Vera na nasamsaman din ng sachet ng shabu.
Nabatid na bago ito, ay nakatanggap ng sumbong ang pulisya tungkol sa illegal drug activities sa lugar.
Tumangging magbigay ng pahayag si Andy G, na nahaharap sa reklamong possesion of illegal drugs.
- Latest