Biyuda ng inambush na vice mayor kinasuhan ng libel
MANILA, Philippines — Naghain ng libel case kahapon sa Manila Prosecutor’s Office si Philippine Charity Sweepstakes Office (PCSO) director Sandra Cam laban sa biyuda ni Batuan Vice Mayor Charlie Yuson III na si Lalaine .
Aniya, dapat na bago magsalita sa press conference si Mrs. Yuson ay hinintay muna nitong mailabas ang resulta ng isinasagawang imbestigasyon ng Manila Police District (MPD) para pagbatayan.
“... filing the case is to protect my integrity & my family, the shotgun accusation of the bereaved widow is total abhorable & she has no license to maliciously defamed my name & imputation of a crime. She should have waited the result of the investigation of the police before conducting her media press conference,’ giit ni Cam.
Bukod kay Gng. Yuson, ipinagharap din ng kasong libel sa tanggapan ni Manila City prosecutor Dina Pacquing ang ilang mga pahayagan.
Matatandaang inihayag ni Gng. Yuson sa mga mamamahayag na si Cam ang nasa likod ng pamamaslang sa kanyang asawa noong Oktubre 9, alas-8:40 ng umaga sa isang karinderya sa Vicente G. Cruz, sa Sampakloc, Maynila, kung saan nadamay ang sugatang pamangkin ni Yuson at ang ahente ng back hoe na katransaksiyon ng vice mayor.
- Latest
