‘Tulak’ ng droga, todas sa buy-bust

MANILA, Philippines – Todas ang isang sinasa-bing ‘tulak’ ng droga matapos umanong manlaban sa mga awtoridad sa ikinasang  buy-bust operation sa Quezon City, kamakalawa ng gabi.

Kinilala ang napatay na suspek na si Criscamar Simos, alyas ‘Balong’, na itinutu-ring na number 2 drug perso-nality sa  Brgy.  Santa Monica, Novaliches Quezon City.

Ayon sa report, dakong alas-9:30 ng gabi nang ikasa ng mga tauhan ni P/Col. Rossel Cejas ang buy-bust operation laban sa suspek, pero nakatunog umano si Simos na pulis ang kanyang katransaksiyon kaya bumunot ito ng baril at pinaputukan ang mga awtoridad pero walang tinamaan.

Gumanti ng putok ang mga pulis na nagresulta para tama­an ang suspek na siyang dahilan ng kanyang kamatayan.

Sinabi ni Col. Cejas, madalas umanong magbagsak ng droga ang suspek sa mga tricycle driver sa lugar.

Narekober ng pulisya kay Simos ang 8 sachet ng droga at isang kalibre 38 baril.