16 barangay tinamaan ng Dengue outbreak State of Calamity, idineklara sa Parañaque

MANILA, Philippines — Nagdeklara ng state of calamity ang Pa­mahalaang Lungsod ng Parañaque makaraang 16 barangay sa lungsod ang tinamaan ng dengue outbreak.

Kabilang sa mga barangay na tinamaan ng maraming kaso ng dengue ang Brgys. Baclaran, Don Galo, La Huerta, San Dionisio, San Isidro, Santo Niño, Tambo, Vitalez, BF Homes, Don Bosco, Marcelo Green, Merville, Moonwalk, San Antonio, at Sun Valley.

Pinakahuling isinama sa listahan ang Brgy. Martin de Porres, ayon kay Parañaque City Administrator Fer-nando “Ding” Soriano.

Sinabi pa ng city official na apat na ang nasasawi sa lungsod mula nitong Enero hanggang Setyembre 21, base sa datos ng City Health Department.

Ang deklarasyon ay aprubado ng Para­ñaque City Council base sa rekomendas-yon ng City Risk Reduction and Management Office.

Sa kasalukuyang mahigpit na mino-monitor ng City Health Department maging ng Department of Health ang naturang mga barangay upang ma-solusyunan ang pagkalat ng sakit at tuluyang masugpo ito.